စေတနာဆိုတာ
ဘယ်လိုအဖွဲ့အစည်းလဲ?
စေတနာအဖွဲ့သည် ဂျပန်နိုင်ငံ၊ နိပွန်ဖောင်ဒေးရှင်းနှင့်လက်တွဲ၍
နယ်စပ်ရေးရာဝန်ကြီးဌာန၏ပူးပေါင်းကူညီမှုဖြင့် ကျောင်းဆောင်သစ်ဆောက်လုပ်ခြင်းမှတဆင့် ဒေသဖွံ့ဖြိုးတိုးတက်ရေးကို ဖော်ဆောင်နေသော၊ အစိုးရမဟုတ်သည့် အဖွဲ့အစည်းတစ်ရပ်ဖြစ်သည်။
"ကျောင်းဆောင်ဆောက်လုပ်ခြင်းမှသည်
ဒေသဖွံ့ဖြိုးတိုးတက်ရေးဆီသို့"
စေတနာအနေဖြင့် ကျောင်းဆောင်သစ်များဆောက်လုပ်ပေးခြင်းနှင့် ကျောင်းအသုံးအဆောင်လိုအပ်ချက်များဖြည့်ဆည်းပေးခြင်းတို့ကို လုပ်ဆောင်ရာတွင် အခြေခံပညာရေးသည် နိုင်ငံဖွံ့ဖြိုးတိုးတက်ရေးအတွက် အရေးကြီးသောကဏ္ဏမှပါဝင်သည်ကို သိရှိနားလည်ထားပါသည်။ ဒေသခံပြည်သူများ၏ လူနေမှုဘဝမြင့်မားရေးနှင့် ကလေးငယ်များ၏ပညာရေးအဆက်မပြတ်စေရေးကို ထောက်ပံ့ကူညီပေးသောစီမံကိန်းများအား စေတနာမှ တက်ကြွစွာ လုပ်ဆောင်လျှက်ရှိပါသည်။
စီမံကိန်းနောက်ခံ
မြန်မာနိုင်ငံတွင် တိုင်းရင်းသားလူမျိုးအများစုနေထိုင်သောနယ်စပ်ဒေသများသည် မြို့ပြဒေသများနှင့်ယှဉ်လျှင် ဖွံ့ဖြိုးတိုးတက်မှုမှာ နှောင့်နှေးလျှက်ရှိသည်။
အခြေခံအဆောက်အဦးများ လိုအပ်မှုရှိခြင်း၊ ဆင်းရဲနွမ်းပါးခြင်းတို့ကြောင့် ဒေသစီးပွားရေးမပြေလည်သောနေရာများတွင် ကလေးငယ်များအတွက် အခြေခံပညာရေးကိုသင်ယူနိုင်ရေးကပင် ခက်ခဲနေဆဲဖြစ်သည်။
စေတနာသည် ရှမ်းပြည်နယ်နှင့်ကယားပြည်နယ်၏ အချို့သောနယ်စပ်ဒေသများတွင် ဒေသခံများ၏ ပူးပေါင်းပါဝင်မှုကို အလေးပေးသည့်စနစ်ဖြင့် ကျောင်းဆောင်သစ်များဆောက်လုပ်ခြင်း၊ လယ်ယာစိုက်ခင်းများတိုးချဲ့စိုက်ပျိုးခြင်းများကို ဆောင်ရွက်နေပါသည်။
စီမံကိန်းရလဒ်များ
_PNG.png)
_PNG.png)
နတလဝန်ကြီး၏တောင်းဆိုချက်ကြောင့် စေတနာမှ ခြွင်းချက်အနေဖြင့် ဧရာဝတီတိုင်းဒေသကြီးရှိ မအူပင်နှင့် ညောင်တုန်းမြို့နယ်များတွင် စီမံကိန်းတစ်ခုကိုလုပ်ဆောင်ခဲ့သည်။
စီမံကိန်း၌ ၂၀၀၉ ခုနှစ်တွင် ဖြစ်ပွားခဲ့သော နာဂစ်မုန်တိုင်းကြောင့် ပျက်စီးသွားသည့် ကျောင်းဆောင် ၃ ဆောင်ကို ပြန်လည်တည်ဆောက်ပေးခဲ့သည်။
